توبيكات مزايين

.!.Kit..Kat.!. · 07-01-2008, 02:23

هاي جميعاً
شخباركم

كما عودتكم بتحفتي وطبخي وفني واعمالي الرائعه و اطباقي الشهية <---

اليوم سويت التشيز كيك وصورته لكم..
لأن كثير من خوياتي لما سويته سألوني كيف يضبط معي وما يضبط معهم
وكثير يقولون يحسونه صعب ويبي له فنان

بس الطريقة ولا اسهل والطعم بجد شي خيااال

المرة هذي سويت لكم التشيز كيك العادي
المرة الجاية بسوي لكم بالشوكولاته ان شاء الله

اولاً المقادير
1-الطبقة الأولى البسكويت(القاعده)
بسكويت الشاي مع بسكويت الدايجستف مطحون
او بسكويت الشاي لوحده او بسكويت الدايجستف لوحده
انا انصحكم انكم تاخذون شوي من هذا وشوي من هذا يصير احلى

بيضه
ملعقة قشطه
زبدة

2- مقادير الطبقة الثانية(الكريمة)

1 علبة حليب مكثف محلى (افضل شيء حليب بوني)
مغلف واحد دريم ويب
1 علبة قشطة
جيلاتين حيواني
12 حبة جبن كيري

انا بالنسبة لي
احط 6 حبات جبن كيري وعلبة واحد 200 غرام جبنة فيلادلفيا
تصير اروووع

3- صلصة التشيز كيك بأي نكهة تبينها تباع جاهزة علبة في الأسواق
انا جربت الصلصات من هنا
بس صراحه اللي اجيبهم من البحرين احلى بمليووون مرة
انا اخترت الفراولة هالمرة

الطريقة:
اولاً يطحن البسكويت حتى يصبح ناعماً واذا ماشفتي ان فيه فايدة انك تطحنينه باليد او بالملعقة سوي مثلي وحطيه بالخلاط
وبعدها احطه في مصفي واصفي الناعم كما في الصور

(كمية البسكويت بحسب رفع القاعدة اللي تبينها)

اذا طحنتي البسكويت وخلصتي اضيفي عليه الزبدة وملعقة قشطة وبيضه واحد
انا ماما تقول لي زيدي الزبدة عشان يصير لين وطري بس انا اهم شي يكون عندي متماسك
وهالصورة لما طحنته واضفت عليه الزبدة والبيضة والقشطة

وهالصورة لما خلطتهم مع بعض

اذا خلطتي جميع المقادير وتكونت عندك عجينة لينة

رصيها في صينية التشيز كيك الخاصة
اللي تنفصل قاعدتها عن جدرانها

موجودة في الصورة اللي فوق اول صورة

الحين حطيه في الفرن بس لا تتركينه يحترق بس لأن فيه بيضه نبيه يتحمص وينضج
وهذا صورته لما طلعته من الفرن (لاحظوا لمعة الزبدة والبيض راحت)

اخذي الخلاط (الكاس)
حطي فيه الجبن وشغليه واثناء ماهو يشتغل اضيفي القشطة والحليب المكثف ومغلف الدريم ويب
الجيلاتين خذي منه ملعقة وصبي عليها ماي يغلي وحركيها فوراً وانتبهي يجمد عليك لأنه بسرعه يجمد وبس يذوب الجيلاتين كله صبيه على الخليط اللي في الخلاط...نسيت ما صورته

اذا امتزج الخليط كاامل صبيه فوق قاعده البسكويت اللي طلعناها من الفرن
واتركي الخليط في الثلاجة ليلة كاملة او على الأقل 6 ساعات او اكثر
انا بالنسبة لي اتركه ليلة كاملة

وثاني يوم طلعيه من الثلاجه وصبي فوقه صلصة الكيك الخاصه

وهالصورة لما طلعته من الثلاجة

وهذا صورة الصلصة لما فتحتها

صبي العلبة هذي كلهاا و وزعيها بترتيب
وهذا صورته

واتركيه في الثلاجه مدة

يعني اكثر من ساعتين
انا صراحه اسويه وانساه ولا فتحت الثلاجه ذكرته

اذا حان موعد التقديم
خذي سكين منشار وافصلي جدران الكعكة عن جدران الصينية (اكيد كل البنات يعرفون..ولا؟)
وشيلي جدار الصينية بحذر او قصصيها مثلثات اول
والله مدري نسيت لوول

اييه الظاهر قصي التشيز كيك اول بعدين افصلي جدار الطبق عن القاعدة
وشيلي القطع وحده وحده بحذر بالملعقة الخاصه اللي تشيل الكيك

وصفيهم في طبق حلووو وقدميهم
ملاحظة
لما كنت اصفهم
دخلت ماما المطبخ والتفتت لها وطاحت القطعه من يدي عشان كذا تشوفون الصحن فيه آثار الفراولة لوووول
وهذا صورة مكان الضحية

ولكل المزايين مثل هالصحن..تفضلوا

وعليكم بالعافية

ومعليش بالنسبة للحرامية اللي يسرقون المواضيع ياليت يكتبون منقول احتراماً لمجهودي
عيب عليكم يعني

انا اسوي واتعب واصور والقاه في منتديات ثانية لا وحاطينه بإسمهم انهم هم اللي مسويينه

هدى.. · 07-01-2008, 04:00

.!.Kit..Kat.!.

مشكوره على الكيكه الزيزه

بتفنح النفس......الله يعطيك العاااااافيه

.!.Kit..Kat.!. · 07-01-2008, 05:53

يا هلا اختي هدى
والله انتي اللي اشكرك على تواجدك الطيب
يسلموو عيوني للمرور

المحقق السري · 07-01-2008, 11:28

يسسسسسسلمو ايداكي كت كات

تحياتي

.!.Kit..Kat.!. · 07-01-2008, 01:18

يا هلا اخوي المحقق
الله مير يسلمك
حياك الله

بـرستيـــج نملـــه · 07-01-2008, 09:54

يمييييييييييي

شكلها يشهيييي :)

التشيز كيك خطييير دايم احب اسويه :)

يسلموووو الأيادي قلبووووو
ولا تنسين تسوينه لي ف عيد ميلادي

.!.Kit..Kat.!. · 08-01-2008, 01:51

هلا حنونه
خخخخخخخخخخخخخخخ
متشرطة بعد يالدوووبة
يسلمووو
لك عيوني يا غلاا
مشكووورة عالمروور

ღالــsssـــــــهرღ · 08-01-2008, 10:43

يم يم شهتيني

بروح اسويه اليوم كل المقادير عندي

ومب لازم اسوي غذا خخخ
يسلمو كتكوته ويعطيك العافيه

بنت بوحمود · 09-01-2008, 12:30

يميييييييييييي ..

شكلها يغري ..

تعيبني و دوووم اطلبها من ستار بكس ..

تسلمين الغلا ...

عجيد الريم · 09-01-2008, 06:36

توبيكات مزايين

منتديات مزايين في جريدة اليوم السعودية 2-11-2008

تشيز كيك ..طريقة العمل بالصور من مطبخي..حصرياً على مطبخ مزايين


الموقع البلوتوث الاخبار القروب البوم الصور العاب افلام مركز التحميل توبيكات خدمة البريد الزخرفة الاسرة المسلمة اتصل بنا

مساحة إعلانيه