السلام عليكم
اخوي فهد
انا معك تصرفك كان سليم 100%
لأنك لو سمحت لهم يطلعون هالمرة
بيعيدونها الف مرة ومرة
وبالنسبة لتصرف رجال الهئية
عادي
حدث ولا حرج
تعرضوا لبنت عمي مع ابوها
وخلوها مريضه اسبوع كامل من الخوف
وكل هذا عشان ابوها نزلها فندق كان فيه زواج ومشى

اخوي مرة طلع وعنده اثباته وكل شي
بس اخوياه نسوا اثباتاتهم

تدري وش سووا؟
مسكوهم في عز الشمس وقالوا لهم هاتوا اثباتاتكم
الشباب اللي مع اخوي 2 قالوا ماجبناهم
ونواف وراهم كل شي

وقالوا له ليه شعرك طويل؟
قال انا رايح الحلاق وانتم مسكتوني وش اسوي ؟
قالوا لهم اركبوا الجيب
وتخيل انهم ودوا الجيب لمكان تصقع فيه الشمس
وقفلوا على اخوي السيارة مع ربعه ساعه وشوي
تخيل لو صاير فيهم شي؟
وبعد هذا
جوا نزلوهم
ولا اخذوا حتى اسمائهم
ولا كتبوا عليهم مخالفة
ولا حطوا ملاحظة عن الاثباتات
ولا شي
لكن مجرد تحرش بس

نواف يقول
كان معي جوالي بس من الحر ما قدرنا نفكر
كلنا دخنا

والمواقف واجد

لكن وش نقول
حسبي الله عليهم
الله يوريهم قدرته
الله ينتقم منهم

لا حول للدرجة هذي


الله يصبره المسكين




ومشكورة لتفهمك الموضوع

السلام عليكم


هل تصرفي سليم ؟
نعم

هل تصرففهم سليم ؟
لا اذا كانو الاشخاص نفسهم اما الهيئه ف صحيح جدا تصرهم من باب عدم انتشار الفساد

ما ذا لو إتصلو باهل البنت وجائو أخذوها ؟
بتكون صعبه لكن هي الي جنت على نفسها

ما ذا لو أحذروا سجانات بدل من أن يمسكو بها بالطريقة الوحشية هذه ؟ أليس يد البنت عورة؟
صح لكن هذا ايضاء اختلاط

أمر الله تعالى العباد أن تمشي المررأة مع محرم .. هل هم محارم لها عندما يركب معها رجلان بسيارة واحدة ؟ عندما يجرجرونها بالشارع أمام الملأ ؟
فهد هذا ليش عذر ! هم ركبو للتوصيل ووراهم جيب الهيئه الثاني يعني الوضع سليم
الان نص النساء الي تشوفهم بالرياض يركبون لموزين صار عادي وهيئه المعروف صار يحتاج محرم لاتخاف قلوبهم مليئه بالايمان

كم دعى عليهم شخص ؟
من هم ؟

ما هذا الاسلوب الهمجي ؟
ليش همجي لكي يتعض الغير الناس الموجودين

هل هذا دافع للبنت أنها تنصلح بهذه الطريقة ؟ أم تزيد عندا ؟
لالا قسما بالله لتتوب آل سعود حفظهم الله هكذا انشئو الهيئه

ما ذا يرون أنفسهم ؟
من هم؟

ما هي الطريقة اللتي تجعل الامر صحيحا ؟
الامر صحيح ولا يحتاج للتغيير

اولا الحمد لله على الامن والامان

ثانيا نشكر الحكومه على وضع هيئه الامر بالمعروف والنهي عن المنكر

فهي وضعت لحمايه اعراض الناس

ولاتدرون لعل توبة هذه البنت بهذه الطريقه


يعطيك العافيه فهد

بدايه رغم انه طرح جديد ويحمل موضوع قووي بداخله


لكن الله لا يحطنا بيوم بمثل هالمواقف والله يهدي كل من ظل فيه




هل تصرفي سليم ؟

سليم ..لكن تمنيت انك ساعدتهم من باب "من ستر على مسلم ستره الله في الدنيا والآخرة "

هل تصرففهم سليم ؟

من جهه الضرب لا اكيد والف مره لا

مالهم حق وفي جهات مختصه بالحكم

ما ذا لو إتصلو باهل البنت وجائو أخذوها ؟

موقف صعب والله يعين الاهل مو البنت

ما ذا لو أحذروا سجانات بدل من أن يمسكو بها بالطريقة الوحشية هذه ؟ أليس يد البنت عورة؟

لا صعب بس طريقه رجال الهيئه بتصرف غلط

أمر الله تعالى العباد أن تمشي المررأة مع محرم .. هل هم محارم لها عندما يركب معها رجلان بسيارة واحدة ؟ عندما يجرجرونها بالشارع أمام الملأ ؟

المحرم يكون بين امراه ورجل لحالهم وهنا هم يوسط الشارع وفي معهم حد



ما هذا الاسلوب الهمجي ؟

مافي جديد

هل هذا دافع للبنت أنها تنصلح بهذه الطريقة ؟ أم تزيد عندا ؟

ولا شي بالعكس التشهير عمره ماصار حل

واعتقد خلاص وش تنصلح وتشهر فيها


ما هي الطريقة اللتي تجعل الامر صحيحا ؟

ان الهيئه تكون تحت ضووابط مشدده

التدين مو تقصير ثيااب وتكفير عباد



فهد تسلم ع الطرح ويعطيك العافيه

لي عوده

تشكراتي

هل تصرفي سليم ؟

انت تصرفك حلوو ماعليه كلام لانك حاولت تحافظ على سمعت البنت والولد
بس لو كانت قريبه لك البنت وش راح تصلح ولو تدري ان فيه شخص طالعه معاه وشخص بمكانك منعهم
وش راح يكون موقفك من الولد هذا..
صحيح انه ماكان معهم اثبات يفتشو المحل هذي معاك حق بمنعهم

هل تصرففهم سليم ؟

اكيد لا لان اسلوبهم يرفع الضغط
بس مو كل رجال الهيئه كذا..

ما ذا لو إتصلو باهل البنت وجائو أخذوها ؟
هذي معاك حق وغريب التصرف هذا

ما ذا لو أحذروا سجانات بدل من أن يمسكو بها بالطريقة الوحشية هذه ؟ أليس يد البنت عورة؟

الا عورة ولا تعليق على السؤال هذا

أمر الله تعالى العباد أن تمشي المررأة مع محرم .. هل هم محارم لها عندما يركب معها رجلان بسيارة واحدة ؟ عندما يجرجرونها بالشارع أمام الملأ ؟

نعم امر الله وتصرفهم خاطئ

هل هذا دافع للبنت أنها تنصلح بهذه الطريقة ؟ أم تزيد عندا ؟

اكيد بتزيد عنااد وراح تخاااف كثير

ما ذا يرون أنفسهم ؟

اخوووي النمر انت بسؤالك هذا تقصد الهيئه كامله ولا الاشخاص هذولا
ان كانك تقصد الهيئه كامله فاعذرني اخوووي هذي اسمها هيئه الامر بالمعروف والنهي عن المنكر
فتخيل ان مافيه هيئه امر بمعروف ونهي عن منكر كان تحصل الدنيا مقلوبه فووق تحت
بس الحمد لله موجوده هذي الهيئه وعسااهم على القوه
والامثله كثيره وقت الصلاة و مراقبه الناس والنساء و ...... و......الخ

وان كانك تقصد الشباب هذولا
فهم آمرون بالمعروف وناهون عن المنكر بس تصرفهم خاطئ

ما هي الطريقة اللتي تجعل الامر صحيحا ؟

اوكي امسك الشاب والفتاة وركب الشاب بالسياره وركب البنت بسيارة بشرط تكون لوحدها
او فيه مرأه ثانيه ووصلهم الى مقر الهيئه واجر اتصال باهل البنت وسلمهم اياها
والولد يوقع على تعهد وكذا

جزاهم الله خير حماة الأعراض لكن ليس جميع من وضع على عاتقه هذه المسئولية كفوا لها

ول حد بيضي اي شي اتمنى يتفضل


انا ابغى اضيف تخيوا ان مافيه هيئه
وش راح يكون بالدنيا الرجال هذولا ضحوا بانفسهم ووقتهم
لا تقول انه يتسلم راتب نعم يتسلم راتب
بي لما يكون فيه مداهمة مثلا سااحر راح يكون فيها مخاطره لكل رجال الهيئه
واعرف شخص يعمل في هذا المجال وقريب لي
من دوون مبالغه الساحره تتصل على بيته وتهدد زوجته انها راح تسحر العائله كامله
ان ما تركها زوجها
ومع ذلك قام وخاطر بنفسه وبعائلته لجل يحمي الناس ويفك السحر
لا تنظرون داائما الى الجانب السلبي انتظر حتى الى الايجابي
واصابع يدك مو سواء (يعني مو تصرف رجال الهيئه سوا)
ورجال الهئيه اللي تعرضوا للضرب...وغيرهم كثير
ولما البنت تتورط مع شاب بصور او فيديو تحصل البنت اول ما تخبر رجال الهيئه ولما يساعدونها
تقول الهيئه اللي يجزاهم خير والله لما يحصلونها مع شاب او شي يمسكونها تنقهر منهم وتعصب عليهم
والله غريب الرجال بيحافظون على سمعتها وهي مقهوره انهم مسكوها

الايجابيات لا تعد ولا تحصى
والسلبيات قليله ولا تحمل اسم رجال الهيئه جميعم

ومع احترامي الشديد للبنت والولد
لو ما صلحوا شي مخالف لدينهم ولشرع ربهم
ما صار اللي صار فيهم
( بس الخطأ في تصرف رجال الهيئه مع المرأه )

ادري طولت عليكم بس شي يقهر
لما نشوف الجانب السلبي ونترك الايجابي

معليش النمر
نسيت اشكرك لاني مقهور من الموضوع
ومقهور زياده
على رد بعض الاخوات اللي نسوا ايجابياتهم
وكأن اسمهم
الامر بالمنكر ووالنهي عن المعروووف