هلا
الحمد لله على السلامه خوخو
وانا اقول ليش المنتدى يعلق معي
اثرك موجود
خخخخخخخخخ

لي باك مره ثانيه مع يومياتي

سلام عليكم مره اخرى
طبعا انا جيت هنا علشان اقولكم ان البطوله الرمضانيه لشركتنا راح تبدء اليوم
واليوم اولى مبارياتنا بالبطوله واخر تمارين لنا كانت قبل امس
لعبنا فيها مباراه وديه مع فريق نصهم من فريق القادسية يعني لاعبين انديه وكلهم محترفين وحنا على قدنا لعبنا
المهم بالمباراه بدعنا وقدمنا مجهوود طيب ولكن خسرنا 4 - 3

واليوم مباراتنا الاولى بالبطوله راح اوافيكم بالنتائج والتفاصيل غدا باذن الله

دعواتكم معنا يالمزااايين

هلا وغلا
اول شي بالتوفيق لك يا احلى دوووب
وانشاء الله تفووز يارب بكل مبارياتك


وتقولن نبغى يوميك يالمزيون

وهذا يومي من اول يوم من رمضان الى امس بس امس تغير

بسم الله
بعد صلاة الفجر اجلس شوي بالمسجد
وبعدها اروح للبيت وادخل النت طبعا من اول يوم من ايام رمضان السرعه عندي زفت والله يحلها
وبعدها انام الى العصر واقوم اصلي العصر واجلس بالمسجد نص ساعه وبعدها اخلص اشغالي كلها
ولما اخلصهم يكون باقي على الاذان تقريبا ربع الى نص ساعه احاول اصلحاي شي يا اما تلفزيون او
فيديو او بلايستيشن ا اتابع المحقق كونان<<<يمكن بتابعه ولو عندي عيال بعد
وبعدها يأذن ونجي الى مائده الافطار نفطر ونروح نصلي
نرجع بعد الصلاة اللي بيكمل يكمل واللي خلاص مو لازم ياكل
واتابع اي مسلسل قدامي
وبعدها يأذن العشاء واروح اصلي
وحتى تخلص صلاة التروايح
اروح لاستراحتنا واجلس فيها انا والشله
الى تخلص صلاة تراويح مكه بعدها انزل الاسئله للمزايين
واتابع عيون عليا
وبعدها نروح نلعب طائره او بلايستشين او نجلس نسولف يعني على حسب المزاج

وبعدها نجلس الى السحور ونتسحر وبعدها يأذن الفجر والكل يضف خشته الى بيتهم


ههههههههههههه
ادري صاره سالفه بس يلا

ههههههههه
انوااع الفضاوه ياحمودي
بس جدول حلو كله راحه وجلسه بالبيت ههههه

امس اولى مبارياتنا بالبطوله
وطبعا حنا الفريق المرشح رقم واحد للبطوله لاننا اقوى فريق وافضل فريق
وامس كانت مباراتنا مع فريق لفرع من فروع شركتنا ولاول مره يلعبون معنا وحنا قلنا اكيد انهم فريق ضعيف
ووقت المبااره انا رحت للملعب بسيارتي وباقي الفريق رايحين بالباص وتاخر شوي الباص وانزعجنا من الشغله هذي يعني التركيز شوي توتر من البدايه
المهم وصلنا قبل موعد المباراه بعشر دقايق وبسرعه تجهزنا ودخلنا الملعب نسخن وبصراحه من شفت الفريق المنافس وشفت اشكالهم قلت الله يستر لانهم كلهم صغار بالسن واجسامهم حلووه وسريعين
بدت المبااراه وطبعا انا اللي احط التشكيله لاني انا المدرب والكابتن ومدير الفريق وكل شي ههههههه
اللعب صار سجال بيننا وبينهم وطلعو فريق ماهو هين وقوي جدا لان مثل ماقلت لكم سريعين ومتفاهمين مع بعض ولياقتهم حلووه
وبعد عشر دقايق من الشوط الاول يجي مدافعنا يرجع كوره للحارس براسه والحارس تقريبا ماكان مركز وترك الكوره يقول احسبها بتطلع برا وتدخل بالقوول هدف اول لهم ( يعني سجلنا في مرمانا هههههه )
بعدها اسوي لك كم تغيير (( صاير ليبي مدرب ايطاليا هههه )) وادخل هجووم ووسط مهاجم بدال مدافع ولاعب وسط متاخر يعني تقدرون تقولون اني بعتها لازم نجيب التعادل ونشد عليهم وهجمة ورا هجمة الين سجلنا التعادل ولله الحمد قبل نهاية الشوط الاول
الشوط الثاني اصيب لاعب من لاعبينا اصابه قوويه وطلع من المباراه وهو يصيح من الالم
وكملنا لعب مابين هجمة لنا وهجمة لهم يعني مبااراه متكافئة بين الطرفين الين صفر الحكم انتهاء اللقاء بالتعادل
وبصراحه كل من شاف المبااره يقول انتم افضل فرق الدوره وهذي افضل المباريات ههههههه

المهم باقي لنا مباراه بكره لازم نفوز فيها علشان نتاهل للدور نصف النهائي
ودعواتكم معنا يالمزاااايين

هلا فيكم

هدوئ رمضاني جميل

انشغال بالعبادات

وكل عام وانتو بخير

تشكراتي

هههههههههههه
خخخخخخخخخخخ

هلا فهودي
خخخخخخخخخخخخخخ

ياخي وش نسوي عطله واجازه لازم نرتااح

الله يوفقك وتفوزون بالبطوله
على غفله ياسر القحطاني خخخخخخخخ

صباح الخير
كيف المزايين
خوي القمر
ها شلون الصيام معاك بمصر؟
الله يكون بعونك
انا بقول يومياتي البارحة
من السحور لسحور اليوم
طبعاً جيت من المجلس حقنا بدري يعني على الـ 1 ونص وصلت البيت
وجلست اكلم ماما قالت هاه بدري اليوم قلت لها والله المعرض يسكر 12 ونص وتعرفين الحريم ما ينعطون وجه ما يطلعون الا لما نطفي الأنوار ونا جالسة انتظر نواف هو اللي أخرني واخرتها جا لي مع خويه وصار لي موقف ابيخ من البايخ بس ماعلمت ماما
طبعاً جيت ورحت غرفتي وتحممت وبدلت وجلست احوس في جوالي العب ورقة معلمني عليها نواف بس ما اعرف لها
شرح لي خمسين مرة يمكن بدون مبالغة هو مع زوج اختي
ولعبت معاهم <-----صدق ما تستحي
وكل مرة احط شي يقولون لااااااااااااااااا
ويصوتون علي
واخر شي الوح الورق في الارض واقوم خخخخخخخ
جيت طلعت من لعبة الورقة وحذفتها مرة وحده وحطيت لعبة كور فلة رهيبه
وجلست العب وشعري كان كشة لدرجة انه وصل للسقف وجلست العب بشعري عبالي انه حرير مادريت انه حديد
وغفيت
وجلست الساعه 4 الا 15 دقيقة
والامساك باقي 10 دقايق
وجلست افكر وش اسوي
نزلت تحت
والكل ارتاع من شكلي طبعاً
وقلت حق ماما : بدي اتسحر ليش ما فيقتني؟
قالت لازم خليكي ترتاحي
قلت لها ايه عاد قوميني زي ابوي يعني ابوي تقومينه من النوم وانا لا وش هالتمصلح
وجلست تضحك لأني جالسة من النوم مهبولة
ورحت لحقت على موية وكوب شاهي
وبعدين جيت المنتدى هنا ورديت كم رد وجلست بالمنتدى وسوالف واكشن مع البزارين
وهزات الصغار مرتين يعني راح صيامي بلوشي عادي هذا حالي كل يوم ان ما صرخت عليهم اهاوشهم شوي شوي يعني اني صايمه
وجاو اخواني الشباب وكنت ابي اشوف بريزن بريك الحلقة 3 الموسم الرابع
ومتحقرصه لأن الجهاز الثاني اخوي جالس عليه ومو راضي يرسل لي الحلقة بالمسن يقول لا تشغليني اصبري لما اقوم وشوفيها
وانا ساكته انتظره
على ما يقوم هو
شغلت برنامج ريكفر ماي فايز
حق استعادة الملفات
وجلست استعيد الملفات من ذاكرة اخوي حقت الجوال لأني فرمتتها بالغلط هع
الا جاو اخواني يلعبون مصاعه بالبلاي ستيشن وانفجر راسي من الازعاج
طلعت من عندهم وشغلت بريزن بريك بالجهاز الثاني وجلست اشوف الحلقة
ولما خلصت رجعت وهم يلعبون نفس اللعبة والصغير يتفرج عليهم
اخر قيم قالوا نبي ننام
وجلس نايف يبكي يقول ابي العب مع واحد منكم
وهم حاقرينه
وانواع الصراخ والصيحه والبكي يا عمي نفخ راسي يووووه
ومسكت نفسي عليه
وجلست اقوله اسكت
ترى بكسر الجهاز
ترى بكسر الاسطوانه
وترى وترى
وهو سيفوووون علي
اخر شي قلت له وش تبي انت؟
قال ابي العب هاللعبة مع خالد
قلت له يمكن نايم؟
قال جلسيه
وانا ما اتحمل صوته لنه جرس انذار بشهادة كل الاهل
ورسلت له اخدامه وما كان نايم وجا لي
قلت له تكفى
الله يخليك
ابوس راسك العب معاه
قال طيب طيب
ولعبوا
وصار الظهر على هالحال
هم يلعبون وانا احوس ايميلاتي
ولما خلصت
رحت اصلي ورجعت للمنتدى جلست للعصر
ورحت انام على الساعه 2 الظهر
وسويت حلى قبل انام عشان اخفف عن ماما الشغل
ورحت نمت وماحسيت الا صوت المنبه الساعه 4
وسحبت عليه
وبعدها جلست على صوت المنبه التذكير ان عندي شغلات لازم اوديها معاي المعرض الليلة
وسحبت عليه بعد
وطفيته ونمت
ودقت علي بنت عمتي وطنشت لأني مافيني حيل افتح عيوني واشوف الاسم ..
وكملت نوم
وسمعت صوت بابا دق الباب كم مرة بس مافيني ارد تعبااانه
ودخل ونادى اخواني الصغار
اثرينهم تاركين غرفهم وخامدين عندي
وقالهم قوموا يالله مابقى شي ع الفطور
طبعاً انا صدقت اثر الساعه 4 ونص
وهو تركنا ماكلمني لأنه يدري اني نمت متاخره
جاين الساعه 5 ونص والشمس ماغربت وقالي قومي صار فطور
وانا قلت له صار؟
قاله ايه
قلت له طيب قايمه
قالي اطفي التكييف ؟
قلت له لا عشان بقوم ابدل واغسل وجهي
وصدق
ونزل تحت وانا كملت نومه لين 6 وربع
وصحيت تعبانه بس لازم افطر واصلي
رحت توضيت وغسلت وبدلت ونزلت
ووجهي من جد منفوووخ زي البالوون
وجلسنا نضحك ونسولف ع الفطور
ونشوف عيال قريه وانا اتحرش في اخوي الصغير من تحت الطاولة اقرص رجوله بأصابع رجولي وهو عباله اخوي الكبير
ويتحقرص في مكانه ومايقدر يتكلم لأن بابا موجود
اخر شي قال ..يبااااااااااااااااااااااااااا فهد يقرصني من تحت الطاوله
ابوي ما اهتم له
وفهد جلس يضحك قاله يالكيوي موب انا
وانا هونت عنه اخاف يكشفني واحصل نظرات حلوه من بابا
وكملت فطور
وقمت اشيل الصحون لأن الخدامه تفطر واساعد ماما
ولما خلصنا رحت شوي ع النت
وجاني اقول قالي قولي حق أوأوس تكوي لي بدلة وبنطولن بسرعه
قلت له طيب بتوديني المعرض؟
قال ايه
أوأوس (اسم الخدامه )
قلت لها تكوي له
وكوت له وانا بدلت ولبست عباتي ورحت المعرض ( في مجلس العايلة)
وانا في الطريق كلمتني خالتي 4 مرات ومارديت لأن صامت
وصلت المجلس ودقيت عليها وتقول انها بتجي وتسالني اذا انا موجوده
واحنا في المعرض طبعاً انا فطرت شاهي اخضر وحبة كبة باللبن والحمدلله
وجعت بعدين
وجابت لنا بنت عمي فلافل هههههههههههههه
وجلسوا ياكلون وانا مالي خلق دسم
وعطوني غصبوني
وجابوا لي شاني
من جد ثقلت
بعدين ناديت جمانه وقلت لها اخذي الشاني واشربيه انتي مع اختك لأنها صغيرة جداً مابيها تشربه لوحدها
وسويت لي شاهي وكيفت عليه في المحل اللي انا ماسكته
ورحت وطلعت اسولف مع البنات شوي
واسلم
والبس الاطفال أساور انا مسويتها للبزران ومن جد فرحوا امهاااتهم بقوة
وجلسنا سوالف وبيع وشرا واكل لين جا وقت الاغلاق
اللي هو 12 ونص
وكلمت ماما
قلت لها ابغى احد يجيني
وقالت لي هالحين بيجيك ابوك
ورحت اكمل حوسة على البزران وابوس فيهم واعضض خخخخخ
وسكرت ركني ولبست عبايتي وسولفت مع بنات عمي لين كلمني بابا قال انا برا
وطلعت له قلت له قووووووة يبا
وقال هلا يبا الله يقويك
وركبت ورحنا البيت
وجيت وجلست اعلم ماما وش يبون الحريم ويسلمون عليها ويبونها وياهم ومن هالكلام
وبعدها رحت سويت شاهي اخضر
ورحت ابدل واغسل المكياج
والروج لصق فيني لأني حاطة مثبت
وجيت هنا انزل صور بالجهاز
واكتب موضوع ومقدمه حق وحده
وحطيت لي كبة باللبن ومع الشاهي اشرب واكل واكتب
وخلصت الموضوع والصور وعطيتهم البنت وجيت هنا المنتدى وانا اشرب قهوة عربية
وتوته توته خلصت الحتوته
ترى هذا بالتفصيل الممل هههههه

<<<< متابع السوالف

هع
وانا بعد