>>> بروح اشوف يوم كت كات و برب ..

اقول حموده
وين يومياتك ماشفنا شي من سوالفك في رمضان
والا شكلك ماتصومين ههههههه


روزه
انا لو ساكن عندكم كان مافي امل اصووم
الله يعينكم

حمودي
شرايك نروح للدنمارك نجرب الصوم هناك
هههههههههه

هع

كتكووته صدق صدق يومج اكشن ..


لي باك مع يومي ..

ههههههههههههههههههههههههه

عشووووق كتبت قبل

و الحين بكتب يومي >>

بخبركم عن امس من السحور للسحور ..




طبعا يوم الجمعه الكل يجتمع في بيت العايله ، رديت البيت الساعه 5 الفجر صلينا و كل واحد على فراشه على طوول بدون اي مقدمات .. و خذتها رقده لين الساعه 3 و نص الظهر مع انه الماما تعبت و هي توعينا من النوم انا و اخواني بس محد طايع يقوم .

نشيت و اتغسلت و بدلت بجامتي و صليت الظهر >> و شوي بظهر من الحجره اذن العصر > صليت و ظهرت اتصفح الجرايد شوي .. >> و كلها اخبار ممله .. بعدها رحت المطبخ اشوف الماما تطبخ ظهرت و يلست فالصاله اجلب فالقنوات من الملل > ابا ادخل النت بس الدكتوره النحيسه مانعتني من اليلسه على الكمبيوتر .. و انا يالسه غفلت شوي و ما حسيت الا في شي يتحرك صوبي > بطلت عيني و جان اشوف القطو عندي . .

قمت و دخلت الحجره و يلست اقرى قرآن شوي لين قبل المغرب بـ نص ساعه . فطرنا و يلست شوي مع اخويه و امي ..
جان يقولي اخويه اذا تبيني اوديج موعد المستشفى اتصلي و بمر عليج
انا ؛ لا مافي داعي اقدر اسوق ..
هو: اوكي بس اذا في شي خبريني ..
انا لا ماعليه الماما بتي معاي ..
هو : يكون احسن بعد لاني بروح مكتب الطيران أأكد الحجز و أدفع العربون ..
انا : خلاااص اوكي ..

شوي و اذن العشا . > رحت اصلي و قريت شوي لين الساعه تسع الا ربع ,, و بعدها رحت اشوف ابله نوره و على الساعه 10 الا ربع يني الماما و احتشرت
هي: انتي متى ناويه تروحين المستشفى.؟
انا : بعد شوي .
هي : تشوفين الساعه كم ..؟
انا و بكل برود بعده شي وقت ............ سكت شوي و قلت يالله انا قايمه ابدل .. قومي بنروح و بنرجع
رحت بدلت و ظهرت من البيت الساعه 10 و ربع رحنا المستشفى وصلت الساعه 10و نص تقريبا ..
دخلت و رحت عند القسم
انا : ايكس كيوز مي
الهندي : يس
انا : اي هاف ابوينت منت وذ دكتور ايرين .
هو: بت شي هاف 4 بيشنت بيفور يو & شي ول قو آت 10:45 >>> قلت في خاطري فكه لاني يايه من ورى خاطري
انا : اوكي كان اي هاف ابوينت منت فور تومورو
هو : يس شووور كان اي هاف يور نيم اور يور موبايل نو .
انا : .........................................
اوكي تمورو آت 9:30 اوكي
انا اوكي بااي

و الوالده ساكته و ما رمست أبدا
يوم خلصت اونه عقب لاتقولين ظهري يعورني و ماعرف شو ..

قلتلها بنروح الطوري بنشوف
رحت الطواري

السلام عليكم
الموظف و عليكم السلام
انا : عندكم زحمه > > > > ماعرف وين داخله
هو : هي في
انا : يعني كم بتريا
هو ساعه او اكثر
انا : اوكي شكرا

قلت حق امي ما بتريا يالله نرووح
الوالده مشكلتج بس لا تتشكين عقب

و نحن فالسياره
انا : بتروحين السوق
هي : انتي مريضه و تبين ادورين > ظهرج ما يعورج
انا : لا عادي باخذ مسكن و خلاص
هي : كيفج .

مريت شيشه ادنوك الي فالدرب خذت غرشه ماي عسب اخذ الدوا و خذت رد بول لي و قهوه اكسبريسو حق الماما

و رحنا السوق نتشرى حق السفر .. و قبل ما نرد البيت قلتلها انمر على امج > الي هي يدتي
قالت شوفي الوقت > كانت الساعه وحده و ربع
انا لا عادي بس انودي الاغراض حق اختج و زوجها لان اذا مب مقاسه بنرده باجر . وافقت > و اخوي كان موجود هناك و ما يعرف اننا بنروح هناك ولا كان ما بيخلينا كان معصب لأننا متأخرين لين هالوقت فالسوق ..

المهم رحت هناك و يلسنا لين الساعه 2:15 تقريا و ردينا البيت .. و انا فالطريق اتصلت ف اخويه
انا : الو ....
هو : هلااا
انا : امممم و انت راد البيت روح خذ اكل حق القطو ماعنده موووول و هو من المغرب ما كل شي
قالي اوكي بمر > اي نوع ياكل .. > قلت له النوع و سكرت

وصلت البيت و رحت اقايس البناطلين الي شريتها و كلهم تمااااام

و يلست فالصاله شوي و انا ابد مافي رقاد

قلت حق امي بروح احاول ارقد الساعه 3 الحين و يدوب الحق ارقد ساعتين

دخلت الحجره و تميت ارمس بالمسجات مع ربيعتي و نمت على الساعه 4 .. و قمت 5 و نص حق الدوام

و ها كان يوم أمس

الف سلامه عليك وماتشوفين شر
هذا وانتي مريضه ولازم تروحين للسوق
شلون لو انك مافيك شي ههههههههه

طيب ليه ماقلتي اسمك ورقم الجوال علشان تكمل القصه بالتفصيل ههههههههههه

فهوود

هههههـ اصلا ما حب السوق واايد و خاصه ف رمضان لأنه واايد زحمه ...

بس جي استهبل على الوالده >> مابا ارد البيت و ابا اروح اخلص امور السفر ..

يس خل ارتاح

كلها اسبووعين

هههههههههه


لي 8 شهوور منطق دوااام

وانا لي سنتين وانا منطق بالدوام والى الان مافي اجازه
ههههههههه

هههههههههههههه

ونا من جيت للدنيا وانا ادرس اهئ ههههه

<< مع الخيل ياشقرا,, موفاهمه شسالفه